Bara langbestir!

Það var ekki laust við að maður væri orðinn tæpur á geði í hálfleik, en sem betur fer hafði mín heittelskaða fundið móteitrið við þeirri helberu fýlu sem stefndi í hjá mér... hún gaf mér að borða! Merkilegt hvað matur getur róað órólegann maga... (huh). Staðan í hálfleik; ManU 1 - Kaká 2! Þetta átti gaurinn með húð og hári... skuldlaust... reyndar með hjálp slæmrar staðsetningar hjá v d Saar og skrautlegs samstuðs Heinze og Evra.

Svo settu mínir menn í gírinn! Spiluðu eins og englar! Fletcher átti hreinlega sinn besta leik, Rooney var reyndar týndur á tímabili en steig upp og gerði það sem hann gerir best; skoraði og það tvisvar. Scholes var venju samkvæmt traustur en var samt eitthvað illa fyrir kallaður. Það þarf ekkert að nefna Giggs því maður gegnur bara útfrá því að hann spili nokkrum klössum ofar en allir aðrir. Helsta afrek Ronaldo aftur á móti var að sprengja Maldini og Gattuso... þetta var bara búið hjá þeim... en að öðru leiti átti hann leik undir meðallagi (meðallag hjá honum er stjörnuleikur hjá flestum öðrum).

Verst er að hafa gefið Milan (lesið Kaká) þessi tvö útivallar mörk, en það verður bara að sækja gull í greipar Berlusconis og spila til sigurs í næstu viku.

Varðandi leikinn á morgun... þá held ég með Liverpool...  Hún er Púllari... ég Utd-maður og við erum hamingjusamlega gift! Lífið er greinilega ekki bara fótbolti.

Ferguson: Gáfumst aldrei upp

Athugasemdir

[Kristófer K. (IP-tala skráð) 24.4.2007 kl. 23:09]

"Hún er Púllari... ég Utd-maður og við erum hamingjusamlega gift! Lífið er greinilega ekki bara fótbolti."

Ég óska þér innilega til hamingju með að láta þetta ganga upp. Þú ert greinilega meiri maður en ég.

Allavega, tími til að sækja þrennuna aftur heim :D