Tvö frábær lið

Mínir menn koma tómhentir heim frá Ítalíu... og þó... Fyrir leik hefði ég verið sáttur við markalaust jafntefli, eins og raunin varð, en eftir leikinn er ég á því að Inter séu sáttari við úrslitin en mínir menn.

Fyrri hálfleikur var alveg magnaður af hálfu minna manna, á meðan Inter átti mun meira í þeim seinni og stýrðu leiknum mun meira þá. Reyndar voru þeir rauðklæddu bara klaufar að vera ekki komnir með tveggja marka forystu eftir fyrri hálfleik, en frábær markvarsla og sjaldséður klaufaskaður og dómgreindarleysi af hálfu minna manna kom í veg fyrir það. Ítalirnir hafa eflaust verið þeirri stund fegnastir þegar flautað var til hálfleiks.

Þegar í seinni hálfleik var komið, þá mætti allt annað Inter-lið á völlinn. Þeir áttu spilið að mestu leiti og mínir menn fóru í bölvaðann skotgrafahernað og yfirburðirnir sem þeir höfðu á miðjunni voru horfnir.

Leikurinn var sprellfjörugur þrátt fyrir markaleysið og synd að Ronaldo hafi ekki náð að setja hann í aukaspyrnunni á lokasekúndunni, en góð staðsetning á markverði kom í veg fyrir það.

Framhald í þarnæstu viku...

Alex Ferguson: Eigum frábæra möguleika á að komast áfram

Athugasemdir

[Raunsær (IP-tala skráð) 25.2.2009 kl. 09:25]

Góð staðsetning á markverði?

Ótrúlegt hvað þið reynið alltaf að fegra ykkar menn......þetta var bara grútlélegt skot beint á markmanninn.......

 Ég meina markmaðurinn stóð kyrr allan tímann á sama stað fyrir miðju marki og Ronaldo bombaði beint í hann........

[Arnþór (IP-tala skráð) 25.2.2009 kl. 09:52]

Já, myndi það ekki teljast góð staðsetning að boltinn fari beint á markvörðinn úr aukaspyrnu???? Ef hann hefði verið illa staðsettur hefði Ronaldo skorað, segir sig nokkuð sjálft.

[Raunsær (IP-tala skráð) 25.2.2009 kl. 10:42]

Bíddu bíddu........ef að Ronaldo hefði ekki skotið beint á markmanninn þá hefði þetta hugsanlega orðið mark og gott skot hjá Ronaldo............

Það er alþekkt að ef að markvörðurinn stendur frosinn í markinu og leikmaður skýtur beint á hann úr færi þá er það lélegt skot ekki góð staðsetning!

[Skúli Sigurðsson, 25.2.2009 kl. 21:04]

Þetta var frábær leikur, það vantaði aðeins meiri heppni.

[Magnús Þór Friðriksson, 26.2.2009 kl. 01:30]

Markmaðurinn sá aldrei boltann koma og var þess vegna vel staðsettur til að "verja". Í raun þvældist félaginn fyrir skotinu.

En talandi um að fegra sína menn, þá er nokkuð ljóst að blaðamaður mbl. is sem skrifaði fréttina með þessari fyrirsögn; "Liverpool skellti Real Madrid - Naumur sigur Chelsea gegn Juventus"  er Púllari, því báðir fóru leikirnir 1-0. Maður hefur varla séð slíka fréttamennsku síðan Pravda var og hét í Sovjet.