Er önnur van Nistelrooy saga í uppsiglingu?

Það var mikið, ef eitthvað er að marka þýska fjölmiðla fram yfir þá ensku, að drengurinn sé væntanlegur á Old Trafford. Minnir óneitanlega dálítið á hina erfiðu fæðingu þess að Ruud van Nistelrooy kæmi þangað, enda settu meiðsli strik í þann reikning í rúmlega eitt tímabil. Ef hann verður hálfdrættingur hans, þá eru mínir menn í góðum málum. Eins sárt og það kann að vera að horfast í augu við þá staðreynd að Scholes, Giggs og Neville séu á lokasprettinum á sínum ferli, þá verður að huga að því að finna verðuga menn til að leysa þá af.

Hargreaves á leiðinni til Manchester United

Glæsilegir!

Þeir sem sagt opna þá pakka sem þeim bara langar til án nokkurar ásætðu og samkvæmt geðþótta hvers starfsmanns fyrir sig. Hafa ber þó í huga að þetta gera öll "courier" fyrirtæki og það talsvert oftar en þeir gangast við.

Maður hafði lengið vel trúað því að það væri bara tollurinn sem svalaði forvitni sinni á þennan hátt, en það er greinilega hnýsnir náungar víðar.

DHL segist áskilja sér rétt til að opna pakka

Júróvisjón, Auðkennislyklar og annað ámóta drasl...

Þá er það á hreinu..... Júróvisjón er jafn ónýtt og Auðkennislyklarnir eins og BaggalútsEnter bendir svo réttilega á hér.

Þessi blessaða keppni lyktar eins og ryðgað Járntjald sem flækingshundar míga utan í og minnir meira orðið á þjóðlagahátíð í Kákasus en hefðbundið Norðurlandadómíneraðað glimmersjóv í Skagfirskum stíl. Þetta sökkar jafn mikið og aukennislyklaruslið sem er búið að pranga inn á mann og maður þarf að fara betur með en sjáaldur auga síns ef maður vill ekki fylla póstkassan af gulum miðum og gluggaumslögum frá teinóttu tittunum á Laugaveginum, Borgartúninu og hvar annarstaðar sem þessar bévítans vaxtaokrandi afætur halda nú til.

Nei, nú er gamli grumparinn farinn að ná yfirhöndinni hjá mér.... ætla að fá mér vatnsglas og sjá hvort það sé hægt að lífga þessa heljarbornu lyklakippudruslu við með einhverskonar skyndihjálp.

Farið vel með ykkur........... og í öllum guðs bænum; Auðkennislyklana ykkar!

Hvíumlíkur og annar eins dónaskapur!

Ég sit hérna við tölvuna mína og næ varla upp í nefið á mér! Ég sat í makindum mínum og naut þess að horfa á mína (vara)menn halda hreinu á móti Tsjelsý fyrr í kvöld þegar einhver frá hverfisskrifstofu ******** .... stjórnmálaflokks á atkvæðaveiðum hringir í mig.... í miðjum leik! Hefur þetta lið þurran þvottasvamp í heilastað?? Hvaða heilvita manni dettur í hug að hringja í mann á ofanverðum fertugsaldri þegar það er bolti í imbanum og betla atkvæði?? Mér var um tíma skapi næst að hætta að kjósa þennan flokk (sem ég hef haldið tryggð við í rúm 20 ár) bara útaf þessum dónaskap!

Væri ekki úr vegi að Stjórnmálaflokkar færu í smá greiningavinnu á markhópum áður en þeir hringja í fólk og ónáða það í miðjum kappleik! Annað eins er nú "ofur-analæsað" hér á landi!! Karlar á mínum aldri eru boltafíklar upp til hópa og þeir sem þykjast ekki vera það eru bara í afneitun

Loksins! Eftir fjögurra ára bið!

 Þá liggur það ljóst fyrir! Mínir menn munu nudda salti í sárin á Chelsea núna á miðvikudaginn og mæta þangað sem meistarar. Það ætti því að vera nokkuð ljóst að metnaður manna verður í sviðsljósinu og forvitnilegt verður að sjá hvernig lið mætir á "Brúna". Verða þeir afslappaðir, með varaliðið eða mæta þeir dýrvitlausir og ætla að sýna málaliðum Rúblunar hvar Davið keypti ölið?

Hvað sem því líður, þá er United þegar orðnir Enskir meistarar... því fær engin breytt þetta árið!

Til hamingju félagar!

Manchester United enskur meistari 2007

Á morgun verð ég "Nalli" í 90 mínútur...

Ég hélt að ég myndi aldrei nokkurn tímann halda með Arsenal, en á morgun rennur sá fáheyrða stund upp! Ég verð "Nalli" í 90 mínútur!!

GO GUNNERS!!!

en bara á morgun....

Van der Sar varði víti og Manchester United vann Manchester City

Bara langbestir!

Það var ekki laust við að maður væri orðinn tæpur á geði í hálfleik, en sem betur fer hafði mín heittelskaða fundið móteitrið við þeirri helberu fýlu sem stefndi í hjá mér... hún gaf mér að borða! Merkilegt hvað matur getur róað órólegann maga... (huh). Staðan í hálfleik; ManU 1 - Kaká 2! Þetta átti gaurinn með húð og hári... skuldlaust... reyndar með hjálp slæmrar staðsetningar hjá v d Saar og skrautlegs samstuðs Heinze og Evra.

Svo settu mínir menn í gírinn! Spiluðu eins og englar! Fletcher átti hreinlega sinn besta leik, Rooney var reyndar týndur á tímabili en steig upp og gerði það sem hann gerir best; skoraði og það tvisvar. Scholes var venju samkvæmt traustur en var samt eitthvað illa fyrir kallaður. Það þarf ekkert að nefna Giggs því maður gegnur bara útfrá því að hann spili nokkrum klössum ofar en allir aðrir. Helsta afrek Ronaldo aftur á móti var að sprengja Maldini og Gattuso... þetta var bara búið hjá þeim... en að öðru leiti átti hann leik undir meðallagi (meðallag hjá honum er stjörnuleikur hjá flestum öðrum).

Verst er að hafa gefið Milan (lesið Kaká) þessi tvö útivallar mörk, en það verður bara að sækja gull í greipar Berlusconis og spila til sigurs í næstu viku.

Varðandi leikinn á morgun... þá held ég með Liverpool...  Hún er Púllari... ég Utd-maður og við erum hamingjusamlega gift! Lífið er greinilega ekki bara fótbolti.

Ferguson: Gáfumst aldrei upp

Rödd æsku minnar er öll

Pétur Pétursson er látinn. Þetta er víst leið okkar allra, en þó svo að ég hafi aldrei hitt Pétur í persónu (svo ég viti til), þá er hann þessi þægilega, trausta rödd sem streymdi úr útvarpinu í æsku minni. Óhjákvæmilega skarast æskuminningarnar og rödd Péturs tengi ég ávallt við eldhúsborðið hjá Afa og Ömmu í sveitinni þar sem útvarpið var meira og minna í gangi, sérstaklega þegar hlýtt var á fréttir.

Í reynd kvaddi Pétur okkur almúgann um leið og hann hætti hjá Rúv, en ég vil votta eftirlifandi aðstandendum samúð mína.

Pétur Pétursson þulur látinn

Þá liggur það ljóst fyrir...

...að gosþamb og slikkeríssvall á skólalóðum leiðir til offitu! Auðvitað gerðu Svíarnir eins og "Svenson" er tamt og bönnuðu bölið... greinilega með góðum árangri í þetta skiptið. Væri samt ekki gáfulegt ef foreldrar tæku smá ábyrgð á ormunum sem þeir hafa holað niður og beini matarvenjum þeirra í ögn hollari farveg... þ.e.a.s. ef þau hafa þá nokkur skilning á því sjálf hvað er hollt og óhollt.

Þetta er framför frá þeim tíma þegar ég var í grunnskóla í Svíþjóð, þá var REYKINGAREITUR á skólalóðinni þar sem var ætlast til að börnin héldu til þegar þau þyrftu að fá sér smók í frímínútum!

Uppeldið á að fara fram á heimilunum fyrst of fremst! Reynum nú að sýna peðlingunum okkar gott fordæmi og stöndum sjálf við nammidaga og hollt mataræði, því þau læra það sem fyrir þeim er haft.. sama hver vitleysan er.

Feitum börnum fækkar með sætindabanni í skólum

Er hann nokkuð með próf?

Svosem ekki merkileg pæling, en þarf ekki að hafa náð tilskyldum aldri og hafa gild ökuréttindi til að fá að aka vélhjóli??

Kannski þarf þess ekki þegar maður iðkar bara "don't try this at home" hundakúnstir á hjólinu...

Mótorhjólaofurhugi á leið til landsins